كل شئ عن سمكه الشلب او الشلبايه
كل شيئ عن سمكة الشلب (الشلبايه)
بقلم الزميل / محمد المصري
ه:::::::::::::::::::::::::::::::::::::::::
كلامنا عن هى سمكة ربنا يكفيك شرها ( سمكة عقرب المياة العذبه ) هى سمكة الشلب او الشلبايه لان مهم جدا كلنا نتعرف عن اسماك النيل وبالذات الاخوه المبتدئين
وكمان مينفعش اول ماطلع السمكه من الماء امسكها على طول ...لا لازم اتاكد من نوعها الاول لان فى بعض الاسماك مؤذيه جدا منها الشلب وهو موضوعنا اليوم
سمكة الشلب من فصيلة السمك العريان اى ليس على جسمها اى قشور هى سمكه مبططه مستطيله الرئس كبيرة وفتحت الفم كبيرة وهى من الاسماك المهاجمه
للاسماك
سمكة ممتعه جد جدا فى صيدها لليعرف دور ليها ياخد منها كميات كبيرة وازان كبيره
الطعم المفضل لها دوود الارض والمصران الحمام او الدواجن والعجين
طعمها فى الاكل جميله بس هى دسمه شويه والاحسن تعمل صينيه او بطماطم
هى سمكة بتنشط جدا فى الليل ووقت االليالى القمريه وهى من الاسماك العايمه يعنى بتكون قريبة اغلب الوقت من سطح الماء لمهاجمة سمكة الراى او البشرية تلاقيها على وش المياه بتسف فى السمك وبتنزل تاكل من على الارض فى بعض الاحيان
وهى سمكه نشطه جدا جدا مابتعدش حركه مستمره
وسيلة الدفاع ليها شوكتان على الاجانب مثل الابره فكون حريص جدا جدا عند تخلصها من السنار لان شكتها مؤلمه وصعبة جدا بتعمل سيولة فى الدم وممكن
مع بعض الناس تعمل اغماء وفقدان للوعى شويه
طبعا مع التعود عليها بنشك منها كتير وبنكسف الواحد يقول انه اصاب منها هههههه لان انا حقيقى بمسكها بطريقة معينة وبخلصها لان بكون نازل ليها مخصوص وعايز انتج منها ولكن من الاحسن يكون معاك قطعة قماش تمسكها بيها او الافضل يكون معاك قصافه كهرباء تقص الشوك الزعانف والضهر وتسلك عادى كمان علشان الاولاد فى البيت محدش يصاب منها
احسن وقت لصيدها من شهر ٧ إلى شهر ١٢
بتمسك الماية الماشية والمرد لغسيل الاوانى
افضل طريقة لصيدها
فى هذه الاوقات موجوده بس مش كتيره (احنا في شهر 3 دلوقتي)
العده المستخدمه
فيبر رقع وخيط ٣٥ ورمال ٣٠
مكنة سريعة
غماز وسط
فسفور طبعا
سنار ٥ او ٤ او ٠١
وترفع الغماز حوالى متر من الرصاص وتحدف جوة عكس اتجاة الماء وتسيب الغماز يمشى مع الماية اوقات بتاخد الغماز وتغطس واوقات كتير تقلب الغماز على جنبه
فى هذة اللحظة ترد علية
اهم حاجة بالله عليك كون حريص جدا عند التخليص من السنار
تعليقات
إرسال تعليق